Tette, weduwe van Kenethemme, te Usquard verklaart te hebben geschonken en overgedragen aan de kerk van de H. Laurentius te Bafflo, ten behoeve van de "tymmeringe", drie jukken land in Ranummer hamrik, begrensd aan de noordzijde door de Groete Oert en in het oosten door de Goelwech, welke verklaring bezegeld wordt door Roleff, kerkheer te Usquard.

Ick Tette Kenethemme saliger ghedachte wyff woenende in den kerspel toe
Usquard Bekenne in dessen openen brieve unde doe condich allen luden Dat ick
mit gueden berade unde vordachten synne heb oppgedragen unde overgegeven dra-
ghe opp unde gaff over in dessen tegenwoerdighen breve vor my unde mynen erff-
genamen Om saligheit mynre sielen unde alle mijnre vrende zielen der kerken to Baff-
lo to behoeff der tymmeringe in die ere goedes sijnre liever moder unde sunte
Laurentius des Patroens der vorscr. kerken Dre iucke landes gelegen in Ranum-
mer hammerick Daer dat cloester op Zelwert op die oester zijd unde zuder zijd is
ter zwette unde die Groete Oert op die noerder zijd ter zwette unde die Goelwech
opp die oester zijde langes mit allen rechte unde egendoeme ewelike unde erffli-
ken to bruken unde to besitten unde al oren vrijen willen daer mede toe doen
wes em genoeget tot behoeff der kerken Desse vorscr. gave love ick Tette vorscr.
stede unde vast unde unverbroken to holden tot ewigen tijden unde om gheenre
leie saken in tocomende tijden nummer weder to ropen unde gheven van ston-
den an over alle recht unde egendoem der vorscr. dre iucke landes also vorscr. is
vrij uuterhant sonder alle argelist Hijr hebben bij an unde over gewezen in eenre
vestenisse der vorscr. gave Heer Roleff kercher to Usquard Hoyko Beernekama
unde Alle Bawekama wedmans to Usquart wedmans wijse daer to geroepen
unde gebeden Rener Sassama als een erffgenaam van syns wijves wegen to dessen
vorscr. lande Ayko to Olde dorpp Gherrijt Hoyke Bernekenszoen unde Johannes pro-
vest kerspelman to Bafflo Abele to Olde dorpp desse waerheit der gave opp
toe doen In orconde der waerheit Soe heb ick Tette vorscr. gebeden her Roleff mijnen
kercher dessen breeff over mij to bezegelen Dat ick her Roleff gheerne ghedaen
om Tetten bede wille Desse gave is gescheen int Jaer ons heren Dusent vierhon-
dert vier unde vijfftich Opp sunte Nicolaus dach des hilligen biscops.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	20
Fol. Nr.	fol. 106r
Regestnr.	325
Olim	Arch. Klooster Selwerd, inv.nr. 1, reg. 140.
Jahr	1454
Datumcode	Nicola

x

x

x

Material	perkament