Vrerick to Scholoe, zoon van wijlen Clawes draagt voor buren van Grolle in ruil over aan Johan Boeldewijns te Groninghe een hofstede met de bomen die daarop staan, op de noordzijde van het Hikessche huus. Met bezegeling door Johan Hiddinge.

Ick Vrorick to Scholoe [sic] seligen Claweses sone bekenne ende betuge in dessen openen besegelden breve voer
my ende myn erffgenamen dat ick hebbe voer wesselt Iohan Boeldewijns to Groninghe ene hofstede mytten
bomen de dar uppe stat gheleghen up der noert syt des Hikesschen huse ende ick Vrerick verscreven
love Johan Boldewyndys verscreven rechte waerscap to doen voer my ende myn erffgenamen ende de dar myt rechte
up spreken mogen ende hebbe hem den stock dar van gheleget voer den buren van Grolle als
lantrecht ijs in den lande van Drenthe als voer buer heer Egbert Poppinghe ende Wermelt Wordinge
ende hyr hebben aen ende over ghewest als dedinges lude Riencker Husinghe ende Iohan Alten in der
tyt Iohan Boldewyns meyer ende mer guder lude ghenoch. Ende want ick Vrerick verscreven desse wesselinge
dencke to holden stede ende vaste ende omme ghebreck des mynes so hebbe Vrerick verscreven Johan Hiddinge
ghebeyden dessen breff over my to besegelen. Ende ick Iohan verscreven omme bede wyllen Vrerikes verscreven
soe hebbe ick myn segel aen dessen breff ghehanghen int yar onses heren dusent verhundert
negen ende seventich des wondages voer mydvasten.

x

x

Archief	Drents Archief
Fonds	Arch. Abdij Assen
Inventarisnr.	12
Regestnr.	92
Jaar	1479
Datumcode	EaMidvas

x

x

Commentaar	Het zegel is verloren.

x

Materiaal	perkament
Afmeting (mm)	230/90

x