Johans Bolens draagt voor buren van Norch over aan de abdij van Assen 1 maat aan de zuidzijde van de Lakemude tussen land van de abdij en Johan Hiddinges Voertmaet. Met bezegeling door Bartolt Knasse, schulte te Norch.

Ick Johan Bolens bekenne ende tughe in dessen openen breve voer my ende myne rechte erffgenamen dat
ick hebbe verkoefft ende verkope ewelike ende erfflicke der Eerber Joffer Reynolt Jarghs
Abdissen des cloesters van Assen ende oeren convente eyne maet die gheliegen is an de zuut
syt van de Lakemude daer dat Cloester van Assen voerscreven by ghelandt is by der noert syt
Ende stregget voert upp an Johan Hiddingen Voertmaet voer eyne summe gheldes de my dat cloester
voerscreven wal betaelt hevet. Ende hebbe hijr van verteghen alls rechts ende eyghendoms ende den
stock daer van ghelecht als lantrecht is voer den buren van Norch als Bartolt Knasse ende
Gheert Schroder. Ende ick Johan voerscreven offt myne erffgenamen willen ende sullen den Cloester voerscreven
hiir van rechte waerschapp doen woe ende wake des noet is. In oerkunde der waerheyt
soe hebbe ick Johan Bolens ghebeden den Ersamen Bartolt Knasse in der tyt schulte to Norch
dessen breeff voer my ende myne rechte erffgenamen toe bezeghelen. Dat Ick Bartolt voerscreven gheer-
ne ghedaen hebbe umme bede wille Johans voerscreven ende hebbe mynen zieghel beneden an dessen
breeff ghehangen. Ghegeven inden jaer uns heren dusent vierhondert ende tachtentich
upp unsser vrouwen dach visitacionis.

x

x

Archief	Drents Archief
Fonds	Arch. Abdij Assen
Inventarisnr.	74
Regestnr.	95
Jaar	1480
Datumcode	VisMar

x

x

Commentaar	Met geschonden zegel in groene was.

x

Materiaal	perkament
Afmeting (mm)	195-200/115

x