Here, prior, broeder Ayleke, Vrederich, keldermeester, Tamme, hofmeester, en het klooster te Rottum hebben verkocht aan het klooster Wijtwerd 3 jukken land, geheten de Haverfenne.

Wy her here prior broder Ayleke broder Hinderich kelres, broder Tamme hoffmeister ende ghe-
mene convente to Rottum van Sunte Benedictus orden doen kundich allen luden in dessen
openen breve dat wy witlich ende wul ende by ghemenen rade onses conventes vorscr. hebben
vercoft den Convente van Witewert dre juke landes de gheheten sint de haver fenne daer
dat Convente van Witewert vorscr. zelver ter zwatte legghen by der zutside ende by der oester-
zide ende dat provestien land van Usquard bider noert ziit voer een summe van goede de ons
ende onse Convente to Rottum vorscr. vol ende al wol betaelt is Waer umme wy den Convente
to Witewert vorscr. dat land vorscr. hebbe over ghegheven ende upghedraghen ende opdraghen
ende overgheven mit dessen jeghenwordichen breve vry ende verdich ewelich ende erflich to
bruken ende to besitten mit sinen eghen venen ende hebben ghegheven ende gheven den vorscr. Convent
to Witewert vullen macht dat vorscr. land to setten to vercopen to verwixelen ende anders to
vorbrenghen ende horen vrien willen daer mede to done In orkunde der waerheit so hebben
wy Conventes lude van Rottum vorscr. onse Conventes Seghel by reden an dessen breeff
ghehanghen Inden jare onses heren dusend vierhondert twe ende twintich up den
achten dach van onses heren hemelvaerdes dach.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	302
Regestnr.	113
Olim	Arch. Klooster Wijtwerd, inv.nr. 19, reg. 51. Reg. Feith 1422.18.
Jaar	1422
Datumcode	oAscDom

x

x

Commentaar	Met het conventszegel van Rottum

x

Materiaal	perkament