Gheert Buninc en zijn broer Johan Buninc verklaren dat zij hebben verkocht en bij stoklegging overgedragen aan het convent van Essen het hun toebehorende derde deel van de aalstal, geheten Sysingestall en gelegen in het Westerdiep in de marke van Dillacht, grenzende ten zuiden aan de buurstal van Dillacht.

Wy Gheert Buninc ende Johan Buninc ghebruedere bekennen ende tugen in dessen openen breve voer ons
ende voer onse erfgenamen dat wy mit vryen willen hebben vercoft, overghegheven ende op ghedraghen
den convente ende cloestere van Essen van sunte Bernards oerden onse dreedeel des aelstals, geheyten Sysynge stall, ghelegen inden
Westerdiep inder marken van Dillacht zuetwert boven der buren stall van Dillacht vorscreven erflike
ende ewelike die te ghebruken ende toe besitten. Ende sint des vorscreven aelstals uutghegaen mit hande
ende mit monde ende mit stoclegginge woe wy myt rechte sculdich weren toe doene. Alsoe dat
wy noch nyemant van onser weghen gheenreleye recht ofte ansprake na date dessen breves
daer an beholden. Ende want wi tot onsen willen daer van van den convente vorscreven wal vernoget
sint, zoe loven wy voer ons ende onse erfgenamen rechte waerscap des aelstaels vorscreven den convente
ende cloestere vorscreven toe doene als lantrecht is voer al die ghene die des toe rechte willen
komen, sonder al arghelist. Daer desse vorscreven vertichnisse ende stoclegginge gheschede weren
over ende an Clawes Knotte, Helperic Hinkens buerlude van Dillicht ende ander guede lude
ghenoech. In oerkunde der waerheit zoe heb ic Johan vorscreven voer my, voer Gheert mynen
brueder vorscreven, want hie gheen seghel en hevet, ende voer onse erfgenamen mynen seghel an dessen
brief ghehangen inden jaer ons heren dusent vierhundert ende dreendevijftich op sunte Mathias
avent des hillighen apostels.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	125
Regestnr.	301
Olim	Arch. Klooster Essen, inv.nr. 4, reg. 42. Reg. Feith 1453.11.
Jaar	1453
Datumcode	vMatthi

x

x

Commentaar	Met het zegel van Johan Buninc

x

Materiaal	perkament

x