Willem Hiddinghe oorkondt dat hij heeft verkocht en bij stoklegging overgedragen aan Allert Omens het derde deel van 3 1/2 roeden land in Brochster marke, strekkende oostwaarts tot Borch en westwaarts tot Bolemameer, welk land Willem gekocht heeft van de kerk te Broke, en tevens een derde deel van zijn schutsloot.

Ick Willem Hiddinghe bykenne ende betuge myt dessen openen breve dat ick hebbe
vercofft, opghedragen ende over ghegeven voir my ende mynen arffgenamen Allert Omens
ende zynen arffgenamen dat dardendeel van vierdehalff roede landes ghelegen in Brochster
marck dair die gheestlike mageden ten Hoerne naest by ghelandet zint op die
norder zijed ende Egbert Hannekens ende zyne kinderen op die suuder zyed ende
strecket oestwert an die borch ende westwert in Bolema meer welkeer land
vorscreven ghekofft hevet Willem van den kercheer ende voegeden toe Broke vry ende
quyt eweliken ende arffliken myt alle zynen tobyhore to bruken ende to besitten
ende dat dardendeel van mynen schuten zloete die ghelegen is in Egbert Hannekens
ende Eytekens lande voer ene summe geldes die ick Willem voergenompt bykenne
dat my vul ende al bytaelt is. Ende ick Willem vorscreven hebbe Allert vorscreven hier stock leg-
ghinge van ghedaen alse landrecht is inden gherichte van Zelwert voer den buren
van Broke hijr nae byscreven ende daer over ghenomen alse Siabbo Holdinge, Ffocko Ghar-
mans, Ffrederick Hoykema, Junghe Brunne, Rotmar Eltekens, Menolt Brunnens ende
Harmen Reyners ende meer gueder lude ghenoch, sunder argelist. In orkunde soe hebbe
ick Willem Hiddingk vorscreven myen segel byneden an dessen breff ghehangen. Ghegeven inden
jaer ons heren dusent vierhundert ende tweendetsoventich op sunte Marcus dach ewangeliste.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	139
Regestnr.	548
Olim	Arch. Klooster Essen, inv.nr. 9, reg. 64. Reg. Feith 1472.21.
Jaar	1472
Datumcode	Marci

x

x

Commentaar	Met het zegel van Willem Hiddinghe

x

Materiaal	perkament

x