Wenne Jonges en haar zoons Sycke, Hermen, Elteke en Eewert verklaren dat zij verkocht en bij stoklegging overgedragen hebben een vierde deel van een stuk land in Woldermarke en Baringeguet, grenzende ten zuiden aan de "mande sloet" en ten westen aan de Doellendijck, waarvan het convent reeds de helft bezit, terwijl het overblijvende vierde deel toebehoort aan Sycke Bolens, die het bij testament aan het klooster heeft vermaakt.

Ick Wenne Jonges myt mynen vier soens als namelic Sycke, Hermen, Elteke, Eewert Jonges
bekennen ende betughen myt dessen openen breve voer uns ende onsen erffgenamen dat wy hebben vercofft ende
opghedraghen ende gheven over ende draghen op den convente van Essen by Gronigen [sic] erfflicken ende ewelic
dat lant dat wy over diep hebben liggen ende by dat convents vorscreven lant. Ende die suer zide van
dessen lande licht op mande sloet in Wolder marcke ende die oester syde licht by Bavinge guet
dat nu dat convents lant is, die wester syde licht an Doellen dyck by Onre marcke, an die
norder syde is gheleghen Hane Herekema lant. Ende wy vier ghebroderen vorgenoemd myt onsen moder
loven den convente vorscreven vry ende verdich toe waren tot ewighen daghen voer alle die ghene die
daer ansprake op moghen hebben van dat vierden(del) diel van dessen lande vorscreven, want die twe
parten van dessen horen toe den convente vorscreven ende Sycke Bolens hadde oec een part in den lande
welke part Sycke vorscreven hefft dat den convente vorscreven ghegheven voer een testament voer syn zielen
salicheit ende dat convent hefft ons ghegheven voer onse part een summe van ghelde die ons vul
ende al wal betaelt is den lesten penninck mytten eersten. Ende wy ghebroderen vorscreven myt onse moder
hebben den convente den stock ghelecht als lantrecht is in den gherichte van Selwert toe Wolde
in teghenwoerdicheit der buren als namelic Sycke Juulken, Lippe Hillebrants, Henrick Starcke,
Barelt Starcken swager, Lippe Egghens, Wilte Roloff, Hannikens, Sicke Hermen Fockens ende meer
ander gueder manne ghenoch. Ende om meerre vestenisse want wy ghebroderen gheen zeghel
en ghebruken, soe hebben wy ghebeden den eerberen heren heer Willem onse kerckheer toe
Wolde voer ons dessen breeff toe bezeghelen. Ende ic heer Willem vorscreven om bede wille Wenne
ende oer kinderen heb myn zeghel an dessen breeff ghehangen inden jaer ons heren
dusent vierhundert ende dreendetneghentich des anderen daghes na sunte Bartolomeus
dach des hillighen apostels.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	146
Regestnr.	817
Olim	Arch. Klooster Essen, inv.nr. 9, reg. 106. Reg. Feith 1493.27.
Jaar	1493
Datumcode	cBartho

x

x

x

Materiaal	perkament

x