Johan Crabbe en zijn vrouw Lamme verklaren dat zij verkocht en bij stoklegging overgedragen hebben aan het convent van Essen een vol spint waardeel in de marke van Ees in Olde Iddekingewerdel.

Ick Johan Crabbe ende Lamme myn echte huysvrouwe bekenne ende tuge in dessen openen breve dat wy verkoft
hebben myt unsen vryen willen, wetenheyt unser synnen, myt gueden voer beysade [sic] stades vastes erfko-
pes voer ons ende onse rechte erffgenamen den convente van Essen een vul spint wardels inden mercke
toe Ees toe holte toe velde ende toe vene ghelegen in olde Iddekinge werdel toe ees voer ene summe van
gelde de my Johan Crabbe all wal betaelt is die leste penninck mytten eersten ende dancke den convente
van Essen gueder betalingen. Des byn ic Johan Crabbe vorscreven dat voerscreven spint wardels uth ende aff
gegaen myt handen ende myt moende ende hebbe daer vertichnisse van gedaen myt stockleggen ende
hebbe den convente van Essen daer den stock van .. gelecht als lantrecht is inden lande van
Drenthe. Over dat stockleggen hebben gewest arffachtigen buer in Ees als Johan Hebinge ende
Lambert Husingen ende meer gueder manne genoch ende des sal ic Johan Crabbe den convente van Essen
dat spint wardels waren ende rechte warschop doen ende ick Iohan voerscreven of myn arffgenamen daer
nummermeer bet op toe spreken myt enigen rechte toe ghenen tyden sunder argelist. Des toe oirkunde
ende tuch der warheyt soe heb ick Johan Crabbe ende Lamme myn huysvrouwe want wy selven gheen zegel
en bruken soe hebbe wy gebeden den eersamen man Johan Hiddingen inder tyt schulte toe Rolde dessen
breff voer ons tbezegelen. Hyr omme soe hebbe ick Iohan Diddingen [sic] schulte om bede wille Iohans vor-
screven myn zegel beneden an dessen breff gehangen inden iaer ons heren dusent vyffhundert ende een
des saterdagen voer onse lieve vrouwe toe Lichtmisse.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	114
Regestnr.	884
Olim	Arch. Klooster Essen, inv.nr. 2, reg. 112. Reg. Feith 1501.35.
Jaar	1501
Datumcode	SaPurMar

x

x

x

Materiaal	perkament

x