Burgemeesters en raad te Groenyngen verklaren dat Reyner Syghers heeft geruild met zijn broeder Bruen Sighers twee grazen land te Cleywert, in het oosten begrensd door de Groenewech, tegen een huis met hofstede en toebehoren aan de westzijde van de Hardingestrate.

Wij borgemeystere ende raed in Groenyngen betughen myt dessen openen breve
dat voer ons is ghecomen Reyner Syghers ende becande voer em ende sijnen erfgenamen dat hie
in een wissel hevet op ghedraghen ende over ghegeven dracht op ende gift over in c (sic)
cracht des breves Bruen Sighers sijnen broeder ende sijn erfgenamen twe grase landes gelegen to Cleywert
in Tyabbe toe Cleywerder lant daer Tyabbe voers. om ende om naest bij ghelandet is
streckende mytten oester eynde an den groenen wech. Hyr en teghens sal Reyner
voers. voer em ende sijnen erffgenamen hebn ende erfliken beholden een camer mitter hoff
stede achter ende voer myt alle sijnen toebehoren gheleghen in wester zijde van Harde-
ringe strate vrij ende quijt erfliken ende eweliken toe bruken ende toe besitten soe ellick
van twen broeders vors. dat ter scheydynge van oers salighen vaders naeghela-
ten guederen ende erfnisse ghevallen is sonder argelist. Dat orkunde wij myt onse
stadsegel. Ghegheven in den jaer ons heren dusent vijfhundert ende een op sun-
te Thomas avent Apostoli doe Hermen Leeu Johan Scaffer Ludeken Hoerneken
ende Coerd Coenrades borgemeystere weren onser stad.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 029v
Regestnr.	888
Olim	Arch. Klooster Selwerd, inv.nr. 1, reg. 443.
Jaar	1501
Datumcode	vThome

x

x

x

Materiaal	perkament