Johan Willems en zijn vrouw Hebbele verklaren te hebben verkocht aan de keldermeester en het hele convent van Essen bij Groningen al hun aanspraken vanwege wijlen Lamme ten Bachuse en heer Sarrijs.

Ick Johan Willems ende Hebbele myn echte huusvrouwe wy bekennen ende betughen
eendrachteliken myt dessen openen besegelden beve [sic] voer ons ende onsen arfgenamen dat wy
myt vryen willen ende gueden voerberade hebben quijt ghescholden ende vry ghelaten
den kelder ende dat hele convent van Esse by Gronigen ghelegen alle schult ende
ansprake de wy hebben ende hebben ghehat ende moghen crigen tot ewigen dagen van
wegen saligen Lammen ten Bachuse ende ock van heer Sarrys wegen voer ene
summa geldes de ons Johan ende Hebbele voerscreven wul al ende wal betalt ys den lesten
pennynck myt den eersten sunder al arghelist ende nie vonden. Hyr hebben
an ende overghewest de kerckheer inder tyt to Haren ende heer Johan Galyngen
coster preester inder tyt to Haren als tughes ende dedynges lude desser sake. In oerkunde
der waerheit ende meerre vestingen so hebben wy Johan ende Hebbele vorscreven ghebeden den
eerbaren ende vorsychtigen heren heer Nicolaum Johannis nu ter tijt cureet to Haren
dessen breeff over ons ende onse arfgenamen to bezeghelen. Ende so heb ick Nycolaus voerghenomt
omme bede willen Johans ende Hebeles vorscreven myn zegel beneden an dessen an dessen [sic] breeff
ghehangen. Ghegheven inden jaer onses heren dusent vyf hundert ende vyve des maen-
dagen voer Palmen etcetera.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	106
Regestnr.	928
Olim	Arch. Klooster Essen, inv.nr. 2, reg. 114. Reg. Feith 1505.31.
Jaar	1505
Datumcode	LaPalmar

x

x

x

Materiaal	perkament

x