Abt Wolterus, de senioren en conventualen van Adewert verklaren dat zij hebben verkocht aan Herman Kanter de twaalf gouden rijnse guldens rente, bedoeld in de hierbij getransfigeerde akte, welke oorkonde mede bezegeld wordt door burgemeesters en raad van Groningen.

Wy Wolterus van der gracien Godes abd des cloesters to Adewert
ghemene sniores unde conventesluden des selven cloesters bekennen unde doen cont
mit dessen openen breve dat wij vor ons unde onse nacomelinge hebn vercofft op-
gedragen unde overgegeven Herman Kanter unde sijnen erffgenamen die twelf golden
rijnsche gulden erffliker renten daer die breeff van spreket daer desse breeff dor-
getogen is vrij unde quijt in allen manieren unde formen to bruken unde to besitten
als die selve breef daer af in holden unde uutwijsen unde vrij to waren uuten lande daer
die renten vorscreven uutgaende sint voer ene summe geldes die my Wolterus abd unde
conventeslude vorscreven bekennen dat ons vul ende al to behoeff des conventes vorscreven
is betaelt sonder argelist. Des to orconde der waerheit heb wij Wolterus abd unde
conventesluden vorscreven vor ons unde van weghen onses conventes onse zegel an des-
sen breeff gehangen unde om die emre vestenisse willen heb wij gebeden den eer-
samen Borgemestere unde raed der stad groningen dessen breeff mede to bezegelen
ende wij Borgemestere unde Raed vorscreven om bede wille des eerbaren heren Wolters
abd unde conventeslude vorscreven hebn onser stadzegel mede an dessen breef gehangen
Gegeven in den iaer ons heren dusent veerhondert ses ende tachtentich op sunte
Cosmas unde Damianus dach martirum doe Sweder Kater, Coppyn Iarges, Roleff Mep-
sche unde Herman Lewe Borgemestere waren onser stad.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 084v
Regestnr.	749
Olim	Arch. Klooster Selwerd, inv.nr. 1, reg. 364.
Jaar	1486
Datumcode	CosDam

x

x

x

Materiaal	perkament