<p> Wij Lubbert<i>us</i> Vynke in der tijt Abbet to Dijclijnghe en<i>de</i> Lijze Haghens in<br /> der tijt prijorijnne to Dyclynghe bekenne<i>n</i> mijt dess<i>en</i> teghenwoirdig<i>en</i> breve<br /> als van weghen des ghemene<i>n</i> co<i>n</i>ventes va<i>n</i> Dyclyng<i>en</i> dat Barolt Oding<i>en</i><br /> Jacobs sone goder ghedacht<i>en</i> heft erflick off ghecoft en<i>de</i> ghelosset een half<br /> gronijnck mudd<i>en</i> rogg<i>en</i> des jaers dair die princepael breff is off holdende<br /> als van dat hele mudd<i>en</i> die helfte dair Volkeer Oding<i>en</i> va<i>n</i> betaelt die<br /> ander helfte om ene wijsselijng<i>en</i> van tween acker landes gheleghen in die<br /> marke to Dwijng<i>er</i>lo dair Barolt Odijng<i>en</i> den graven tenden plech aver toe<br /> hebben en<i>de</i> die solen dair erflick mede vrij wesen. En<i>de</i> hebben dair melkand<i>er</i>en<br /> vestijng<i>en</i> va<i>n</i> ghedaen den stock dair van gheleghet voir buer va<i>n</i> Dwijng<i>er</i>lo<br /> en<i>de</i> va<i>n</i> Lede als een lantrecht is van Drenthe als Coep Akyng<i>en</i>, Reijner Dijgel<br /> nijng<i>en</i> en<i>de</i> Berent Meysters in een tuchnisse der wairheit en<i>de</i> om vestenbisse<br /> wyllen sbreves so heb wij Lubbert<i>us</i> Vynke Abbet to Dy clijng<i>en</i> en<i>de</i> Lyze Haghens<br /> prijorijnne to Dyclijng<i>en</i> onse co<i>n</i>ventes zeghel doir dess<i>en</i> breff doen hanghen<br /> Ges<i>creven</i> int jaer ons he<i>re</i>n dusent vyerhondert vijfen tachtentich des maendages<br /> na sunte Gregorius dag<i>en</i>.<br /> </p>
Sla de transcriptie als HTML-bestand lokaal op en mail dit naar info@cartago.nl.

Om een reeds gemaakte transcriptie te wijzigen of aan te vullen kunt u deze met onderstaande knoppen opnieuw laden: